Fifa World Cup 2026: સેમીફાઈનલનું શેડ્યુલ જાહેર, જાણો કોણ કોની સાથે ટકરાશે?

ફિફા વર્લ્ડ કપ 2026 ક્વાર્ટર-ફાઇનલ તબક્કાની છેલ્લી બે મેચ 12 જુલાઈના રોજ રમાઈ હતી, જેમાં ઇંગ્લેન્ડે નોર્વે સામે 2-1થી વિજય મેળવીને સેમિફાઇનલમાં પોતાનું સ્થાન નિશ્ચિત કર્યું હતું. ત્યારબાદ ડિફેન્ડિંગ ચેમ્પિયન આર્જેન્ટિના અને સ્વિટ્ઝર્લેન્ડ વચ્ચેની અંતિમ ક્વાર્ટર ફાઇનલમાં પ્રભુત્વ જમાવ્યું હતું, જેમાં 3-1થી જીત મેળવીને સેમિફાઇનલમાં સ્થાન નિશ્ચિત કર્યું હતું. આ સાથે, ફિફા વર્લ્ડ કપ 2026 સેમિફાઇનલ માટે ક્વોલિફાય કરનારી ચાર ટીમો નિશ્ચિત થઈ ગઈ છે. પ્રથમ સેમિફાઇનલ 15 જુલાઈએ ફ્રાન્સ અને સ્પેન વચ્ચે રમાશે, જ્યારે બીજી સેમિફાઇનલ 16 જુલાઈએ આર્જેન્ટિના અને ઇંગ્લેન્ડ વચ્ચે રમાશે.

અત્યાર સુધી ફ્રાન્સ સામે સ્પેનનો હાથ ઉપર

પ્રથમ સેમિફાઇનલ મેચ 15 જુલાઈએ ભારતીય માનક સમય (IST) ના રોજ 12:30 વાગ્યે સ્પેન અને ફ્રાન્સ વચ્ચે રમાશે. બંને ટીમો વચ્ચેના હેડ-ટુ-હેડ રેકોર્ડને ધ્યાનમાં લેતા, સ્પેનનો હાથ ઉપર છે. સ્પેન અને ફ્રાન્સ વચ્ચે અત્યાર સુધીમાં કુલ 38 મેચ રમાઈ છે, જેમાં સ્પેને 18 જીતી છે, જ્યારે ફ્રાન્સે માત્ર 13 જીતી છે.અને સાત મેચ ડ્રો રહી છે. બંને ટીમો 2016માં ફિફા વર્લ્ડ કપમાં રાઉન્ડ ઓફ 16માં એક વાર મળી હતી. ફ્રાન્સે આ મેચ 3-1 થી જીતી હતી.

આર્જેન્ટિના ઇંગ્લેન્ડ સામે ટકરાશે

ઇંગ્લેન્ડનો સામનો ડિફેન્ડિંગ ચેમ્પિયન આર્જેન્ટિનાનો છે. ગત ચેમ્પિયન આર્જેન્ટિના ક્વાર્ટર ફાઇનલમાં પોતાના પ્રભાવશાળી પ્રદર્શન સાથે સેમિફાઇનલમાં પહોંચી ગઈ છે, જ્યાં તેમનો મુકાબલો ઇંગ્લેન્ડ સાથે થશે. બંને ટીમો વચ્ચેનો આ મુકાબલો 16 જુલાઈના રોજ ભારતીય સમય મુજબ રાત્રે 12.30 વાગ્યે એટલાન્ટા સ્ટેડિયમ ખાતે રમાશે. ઇંગ્લેન્ડે 1966નો વર્લ્ડ કપ ફાઈનલમાં પશ્ચિમ જર્મનીને 4-2 થી હરાવીને જીત મેળવી હતી. ત્યારથી, તેઓ ફક્ત ત્રીજી વખત સેમિફાઇનલમાં પહોંચ્યા છે.1990માં, તેઓ સેમિફાઇનલમાં જર્મની સામે 1-1 થી હારી ગયા હતા, જ્યારે 2018માં તેઓ સેમિફાઇનલમાં ક્રોએશિયા સામે 2-1 થી હારી ગયા હતા. આર્જેન્ટિના અને ઇંગ્લેન્ડ વચ્ચે રમાયેલી વર્લ્ડ કપ મેચો પર નજર કરીએ તો, બંને ટીમો પાંચ મેચ રમી છે, જેમાં ઇંગ્લેન્ડ ત્રણ અને આર્જેન્ટિનાએ બે મેચ જીતી છે.

આ પણ વાંચો - FIFA World Cup 2026 ફાઇનલ મેચ બાદ આટલા કરોડમાં વેચાશે મેદાનનું ઘાસ, જાણો કેમ?